Jumpa ibas nipi

Ibas pedemku janah ternipi
Kuidah kam
Tuhu mejile kel ndube
Erpapas ibas nipiku
Ulurkendu tandu si halus ndube kulitna
Senyum kam
Senyum si seh kel manisna
Turangn....
Gedang dalan si kudalani
Mbelang lawit si kulepari
Meganjang deleng si kunangkihi
Ndauh langit si kutatap
Tuhu la kel lit sini jilena bali ras kam
Turang....
Beru kai nge ndia..
Ja rumahna nge ndia..
Ise bapana nge ndia..
Ruh min kam sekali nari..
Ibas nipi lagia..
Terlebih lebih
Gelah i doni enda
Kam min ateku
jadi temanku ersanding
Ipelaminenta pepagi.
Tuhu tenah sikutenahken segelah igejabkendu...
Turang...
Oh...turang

Tedeh 279 wari

Terpaku ibas kekelengen
La ndube terarap
Kapal medan - jakarta lantai empat
Jumpa kita janah termenung kuidah ayondu
Hai Turang ningku man bandu
Janah tatapndu ayongku
Hai Turang nindu man bangku
Alu lemas lembut merdu sorandu
La terlupaken aku
Bagi ernipi kel aku
1000 diberu sikutandai
1 kam kel ngenca
Janah senyum manisndu
Jabatkendu ndube tandu si mbentar mejili
Gelah nalami aku
Turang........
Bages bages ukurku
Gia la kin kita jodoh
Kam la banci kulupaken
365 wari 1tahun
279 wari ateku tedeh man bandu
Gia mesera gundari dalanta ersada
Turang
Kam la kel ku lupaken

Kai Si La Jore

Nande.....
O....h nande.....
Ka....i kin sila jore
Maka mesera ukurku ndala...ni nggelu..h
Kutatapi karina sidiher aku
Meriah ukur kel ndube jelma kuidah
Ta..pi engkai makana ukurku gulut denga
Di... Kerna ha..rta kin mindai nggo me bias bere dibata
Di... Kerna ngelu kin ndube ng..go min jore sikudalanken
Jadi engka..i oh nande makana gulut sikualoken
la... Kel terperangi aku
Tami-tamindu kel aku nande
Gelah meriah jine ukurku
La.. Tersimbak aku Maka jelasken sitik man bangku
Kai ndube sila jore....
Ajari aku nande
Ajari kel aku